Hover or tap a word to see its match.
La Pouesio, aco's un albre
Que pertout daouro sous ramèls ;
Mais l'homme frex coumo lou malbre
A lou cercà perdriò sous èls.
Aco's uno perletto fino
Que, amagado à l'escurizino,
Se douno pas à qui la bol ;
Et, tourtoureletto crentouso,
De la bouès la pus amistouso
Souben a poou, et pren lou bol.
Hurous lou que d'aquelo planto
Aymo lou perfum que nourris ;
Lou languimen jamay l'aganto,
Crento pas la dent das soucis.
Lou qui sentis pas dins soun âmo
Beluguejà certaino flammo,
Es paoure sans aquel tresor ;
Mais l'homme qu'a l'âmo sansiblo,
De pensados la touto riblo,
A sa fourtuno dins lou cor.
Que tout es gay dins la campagno !
Lou printemps pimpo lous ramèls,
Dins la coumbo, su la mountagno,
Pioulou touto raço d'aoussèls !
Cado bertas a sa nizado :
La femo porto la becado,
Lou mascle canto soun amour ;
Penden que lou payre brezilho,
La mayre pesso sa famillo,
Aytal foou cadun à soun tour.
La Pouesio, aco's un albre
Que pertout daouro sous ramèls ;
Mais l'homme frex coumo lou malbre
A lou cercà perdriò sous èls.
Aco's uno perletto fino
Que, amagado à l'escurizino,
Se douno pas à qui la bol ;
Et, tourtoureletto crentouso,
De la bouès la pus amistouso
Souben a poou, et pren lou bol.
Hurous lou que d'aquelo planto
Aymo lou perfum que nourris;
Lou languimen jamay l'aganto,
Crento pas la dent das soucis.
Lou qui sentis pas dins soun âmo
Beluguejà certaino flammo,
Es paoure sans aquel tresor ;
Mais l'homme qu'a l'âmo sansiblo,
De pensados la touto riblo,
A sa fourtuno dins lou cor.
Que tout es gay dins la campagno !
Lou printemps pimpo lous ramèls,
Dins la coumbo, su la mountagno,
Pioulou touto raço d'aoussèls !
Cado bertas a sa nizado :
La femo porto la becado,
Lou mascle canto soun amour ;
Penden que lou payre brezilho,
La mayre pesso sa famillo,
Aytal foou cadun à soun tour.